FLASH
Shkruar nga Pamfleti
Një zjarr ka rënë në qendrën e azilit në Babrru. Sipas policisë, dyshohet se zjarri ka rënë si pasojë e një shkëndije elektrike.
Fatmirësisht nuk ka persona të lënduar, pasi janë evakuuar në kohë, ndërsa forcat zjarrfikëse kanë shuar në kohë flakët. Ngjarja ndodhi mëngjesin e sotëm, ndërsa si pasojë e zjarrit ka vetëm dëme materiale.
“Më datë 16.01.2025, rreth orës 08:40, dyshohet se si pasojë e një shkëndije elektrike ka rënë zjarr në qendrën azil-kërkues në Babrru.
Shërbimet e Policisë kanë evakuuar në kohë personat brenda qendrës. Falë ndërhyrjes së menjëhershme të shërbimit zjarrfikës u bë e mundur fikja e zjarrit. Si pasojë e zjarrit ka vetëm dëme materiale”, njofton policia.
Grupi hetimor po punon për përcaktimin e saktë të shkakut të rënies së zjarrit.
Lini një Përgjigje