FLASH
Shkruar nga Pamfleti
Veriana Gega (Ziu) dhe Besime Agush (Dida), kanë rënë në prangat e policisë pasi i zhvatën një qytetari në Fier 800 euro me pretendimin se do i ofronin punësim në Gjermani.
Operacioni i policisë u finalizua pas 4 muajsh çka nënkupton se dy të rejat kishin mashtruar edhe qytetarë të tjerë. I gjithë mashtrimi kryhej përmes celularit, madje 31-vjeçarja Veriana Gega ishte në arrest shtëpie për mashtrim dhe falsifikim dokumentesh.
Në pranga ra edhe 25-vjeçarja Besime Agushi e cila ishte bashkëpunëtorja e saj.
Nga hetimet e bluve, rezultoi se dy të rejat mashtronin në mënyrë të vazhdueshme qytetarë nga vende të ndryshme, jo vetëm në Fier duke i zhvatur para.
Policia njofton se po vijon puna për të gjetur të tjera raste të përfitimit të parave nga dy vajzat me anë të mashtrimit.
Materialet procedurale i kaluan Prokurorisë, për veprime të mëtejshme.
Lini një Përgjigje