FLASH
Shkruar nga Pamfleti
Është arrestuar drejtuesi i automjetit që shkaktoi aksidentin një natë më parë në Tiranë, në rrugën e Elbasanit.
Mësohet se në pranga ka rënë 22-vjeçari Andi Kambo. Pas bërjes së testit, i riu ka rezultuar nën efektin e lëndëve narkotike.
Mbi 22-vjeçarin rëndon vepra penale “Drejtimi i mjetit në mënyrë të parregullt”. I riu kishte lindur në Greqi, por jetonte në Tiranë.
Mbrëmjen e djeshme teksa drejtonte makinën tip “Benz Mercedez” ka humbur kontrollin, duke hipur mbi trotuar dhe shkaktuar dëme. Nga përplasja njëra prej makinave ka përfunduar në trotuar, duke thyer edhe pemën e mbjellë.
Në bazë të ligjit, Ardit Kambo, përveç arrestit, është dënuar me gjobë në shumën 82.000 lekë, ndërkohë iu ulën 10 pikë nga patenta.
Gjatë vitit që lamë pas vetëm në Tiranë nga kontrollet e policisë janë arrestuar 64 drejtues mjeti nën efektin e lëndëve narkotike.
Lini një Përgjigje