FLASH
Shkruar nga Pamfleti
Inspektori i Gardës së Republikës, Martin Nikolla është përjashtuar menjëherë, pasi kërcënoi me armën e shërbimit duke qëlluar në ajër, gjatë një sherri familjar në Hamallaj të Durrësit.
Ai u përfshi në një konflikt pronësie me familjen Kaçi, duke kërcënuar bashkë me vëllezërit e tij, kryefamiljarin Pjetër Kaçi.
“Garda e Republikës është informuar nga Drejtoria Vendore e Policisë Durrës mbi përfshirjen e një efektivi të Gardës në një incident të dhunshëm, në Hamallaj, ku dyshohet se inspektori, ka përdorur edhe armën e shërbimit.
Me urdhër të Ministrit të Brendshëm është bërë përjashtimi i menjëhershëm i këtij punonjësi, nga radhët e Gardës së Republikës. Ndërkohë Policia e Shtetit ka bërë ndalimin e tij”, thuhet në njoftimin për përjashtimin e inspektorit të Gardës.
Lini një Përgjigje