FLASH
Shkruar nga Pamfleti
Tre të rinj janë arrestuar nga policia e Tiranës, pasi u kapën në flagrancë duke shitur kokainë.
Mësohet se të arrestuarit janë të moshave 21 dhe 19 vjeç, të tre banues në Tiranë. Policia u sekuestroi 107 gram kokainë dhe 3 celularë.
“Si rezultat i hetimeve të kryera për disa muaj, nga Seksioni për Hetimin e Narkotikëve, në drejtimin e Prokurorisë, për veprimtarinë kriminale të shitjes së lëndëve narkotike, që kryhej nga 3 shtetas, është finalizuar operacioni policor i koduar “Collaboration 2”, në kuadër të të cilit u arrestuan në flagrancë shtetasit:
I.C., 21 vjeç, A. C., 21 vjeç dhe Xh. M., 19 vjeç, të tre banues në Tiranë.
Këta shtetas janë kapur në flagrancë, në afërsi të një qendre tregtare, në momentin e shitjes së një sasie kokaine (107 gramë), e cila iu gjet shtetasit Xh. M., gjatë kontrollit fizik”, njofton policia.
Lini një Përgjigje