FLASH
Shkruar nga Pamfleti
Atentati që ndodhi para shkollës 9-vjeçare në Rrilë të Lezhës, ku mbeti i plagosur Agron Puka, ka shkaktuar panik dhe frikë tek nxënësit, mësuesit e prindërit.
Një nga dëshmitarët ka treguar se të shtënat e automatikut u dëgjuan si në trazirat e ’97. Sa i takon të plagosurit ai tha se ishte njeri i rregullt e familjar.
“Normal që janë frikësuar fëmijët. Ishte automatiku si me qenë në ’97 këtu. Ky djali që e kanë plagosur është njeri i rregullt, familjar. Si ndihen fëmijët të tmerruar. I morëm nga shkolla. Jo këtu nuk kanë ndodhur, Rrila është vend i qetë. Unë jam le e rritur më të’, tha dëshmitari.
54-vjeçari Agron Puka mbeti i plagosur me armë zjarri mëngjesin e kësaj të mërkure në fshatin Rrilë të Lezhës.
Ai ishte duke lëvizur me makinë kur u plagos nga një person i paidentifikuar.
54-vjeçari është transportuar në Spitalin Rajonal të Lezhës ku është në kujdesin e mjekëve, aktualisht jashtë rrezikut për jetën.
Lini një Përgjigje