FLASH
Shkruar nga Pamfleti
Luzi ka shpërthyer gjithashtu edhe ndaj të penduarit Amarildo Nikolli duke i thënë ‘do ta shohësh ti Amarildo’, dhe ka goditur xhamin me grusht.
Gjykata e Posaçme ka shpallur vendimin për atentatin e mbetur në tentativë ndaj Inez Hajrulla dhe Ervis Matodashaj në Vlorë.
Ngjarja do të kryhej më 8 gusht 2023, por u parandalua nga policia pasi ekzekutori Amarildo Nikolli u arrestua.
Të pandehur për këtë çështje janë Leonard Luzi dhe Muharrem Koroveshi.
Në përfundim të gjykimit trupa gjykuese e kryesuar nga Bib Ndreca vendosi që Leonard Luzi të dënohet me 11 vite burg, por me gjykim të shkurtuar është dënuar përfundimisht me 7 vite e 4 muaj burg.
Amarildo Nikolli është dënuar me 7 vite e 4 muaj burg, por me gjykim të shkurtuar është dënuar përfundimisht me 2 vite e 9 muaj burg.
Ndërsa, Muharrem Koroveshi me 10 vite burg, dënimi i ulet nga gjykimi i shkurtuar në 6.8 vite.
Gjatë leximit të vendimit, Leonard Luzi shpërtheu ndaj përfaqësuesve të SPAK me fyerje e kërcënime.
Luzi ka shpërthyer gjithashtu edhe ndaj të penduarit Amarildo Nikolli duke i thënë ‘do ta shohësh ti Amarildo’, dhe ka goditur xhamin me grusht.
Leonard Luizi, i cili dyshohet se porositi vrasjen e Inez Hajrulla dhe Ervis Matodashajt u ekstradua nga Spanja drejt vendit tonë në nëntor 2024.
47-vjeçari u arrestua në korrik të të njëjtit vit, pas bashkëpunimit të autoriteteve tona me ato spanjolle. Luzi akuzohet si porositës i atentatit ndaj Inez Hajrulla dhe Ervis Matodashajt në gusht 2023, pas konflikteve për lojërat e fatit. Leonard Luzi kishte organizuar vrasjen, por atentati u parandalua nga policia që arrestoi vrasësin me pagesë, Amarildo Nikolli.
Lini një Përgjigje