FLASH
Shkruar nga Pamfleti
31-vjeçari Gëzim Avdia është arrestuar nga policia e Lezhës pasi i ka dhënë një të mituri një cigare me lëndë narkotike kanabis. I riu e filmoi dhe e postoi videon në rrjetin social Tik Tok.
Menjëherë pas publikimit të videos, policia ka bërë të mundur identifikimit dhe arrestimin e 31-vjeçarit banues në Kurbin.
"I dha për të pirë një të mituri, cigare me lëndë narkotike kanabis, e filmoi dhe e postoi videon në rrjetin social Tik Tok, kapet dhe vihet në pranga 31-vjeçari.
Strukturat hetimore të DVP Lezhë, menjëherë pas publikimit të një videoje, në rrjetin social Tik Tok, në të cilën shfaqej një shtetas duke i dhënë për të pirë një të mituri, cigare me lëndë të dyshuar narkotike, kanë nisur verifikimet për identifikimin e shtetasit që shfaqej në video.
Nga veprimet e shpejta hetimore u bë identifikimi i shtetasit G. A.( K.), 31 vjeç, banues në Patok, Kurbin.
Në vijim të veprimeve procedurale, specialistët për Hetimin e Narkotikëve të Drejtorisë Vendore të Policisë Lezhë arrestuan në flagrancë 31-vjeçarin, për veprën penale “Nxitja për përdorimin e drogës”, njoftoi policia.
Lini një Përgjigje