FLASH
Shkruar nga Pamfleti
Një person i shpallur në kërkim si pjesë e një grupi kriminal që vepronte në fushën e narkotikëve është arrestuar në Tiranë.
Policia e Tiranës bën me dije se në pranga ka rënë shtetasi me dy mbiemra, Marcel Liçaj alias Marcel Grembi, për të cilin Gjykata e Posaçme kundër Korrupsionit dhe Krimit të Organizuar kishte caktuar masën e sigurisë “arrest në burg”.
Sipas hetimeve, ai dyshohet si anëtar i një grupi të strukturuar kriminal me aktivitet në trafikun e lëndëve narkotike në vendet e Bashkimit Evropian.
Operacioni policor u zhvillua nga Sektori për Hetimin e Grupeve Kriminale në Drejtorinë për Hetimin e Krimit të Organizuar në DPPSH, në bashkëpunim me Drejtorinë e Forcës së Posaçme Operacionale.
Lini një Përgjigje