FLASH
Shkruar nga Pamfleti
Konkretisht janë sekuestruar 1050 m2 truall, si dhe një objekt njëkatësh me oborr dhe pishinë.
Ditën e sotme në Durrës janë sekuestruar pasuritë e Luan Kërtallit, pasi rezulton se ato janë përfituar nga veprimtaria kriminale e 2 djemve të tij.
Konkretisht janë sekuestruar 1050 m2 truall, si dhe një objekt njëkatësh me oborr dhe pishinë. Pasuria i është dorëzua Agjencisë për Administrimin e Pasurive të Sekuestruara dhe të Konfiskuara.
Luan Kërtalli është babai i Enkel dhe Morel Kërtallit, të dyshuar për veprat penale; falsifikimi i letërnjoftimeve, pasaportave, vizave, vulave, stampave dhe formularëve”.
Djemtë e tij gjithashtu janë hetuar në kuadër të një procedimi penal të vitit 2017, të dyshuar për “vrasje”, në rrethana të cilësuara, kryer në bashkëpunim, dhe mbajtja pa leje dhe prodhimi i armëve.
Njoftimi i plotë:
Sekuestrohen pasuri të dyshuara të përfituara nga veprimtaritë kriminale. Seksioni për Hetimin e Krimeve Ekonomike e Financiare në Drejtorinë Vendore të Policisë Durrës bëri ekzekutimin e vendimit penal të Gjykatës së Posaçme të Shkallës së Parë për Korrupsionin dhe Krimin e Organizuar, Tiranë, lënë në fuqi nga Gjykata e Apelit, për konfiskimin e pasurisë në përdorim të shtetasit L. K..
Këtij shtetasi iu sekuestruan 1050 m2 truall, si dhe një objekt njëkatësh me oborr dhe pishinë. Pasuria iu dorëzua Agjencisë për Administrimin e Pasurive të Sekuestruara dhe të Konfiskuara, në prezencë të familjarëve të shtetasit L. K..
Nga hetimet e deritanishme rezulton se shtetasi L. K. i ka përfituar këto pasuri nga veprimtaria kriminale e 2 djemve të tij, të cilat janë të dyshuar për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.
2 vëllezërit janë hetuar në kuadër të një procedimi penal të vitit 2017, të dyshuar për kryerjen e veprave penale “Vrasja”, në rrethana të cilësuara, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.
Lini një Përgjigje