FLASH
Shkruar nga Pamfleti
Tre persona janë lënë në burg pas akuzave për shantazh ndaj një biznesmeni në Selanik, ndërsa autoritetet greke po hetojnë një rast të ndërlikuar që përfshin kërcënime, dhunë dhe dyshime për koordinim kriminal nga brenda burgut.
Sipas policisë, arrestimet u kryen pas një ankese të bërë nga menaxheri i një koncesionari makinash në zonën Vasilissis Olga. Tre të dyshuarit, dy shtetas shqiptarë, 43 dhe 34 vjeç, dhe një 23-vjeçar grek u ndaluan pasi dhanë shpjegime para hetuesit dhe më pas u vendos masa e paraburgimit.
Në të njëjtin hetim përfshihet edhe një 48-vjeçar, aktualisht i burgosur, i cili dyshohet se ka organizuar skemën e zhvatjes nga qelia. Ai raportohet se ka precedentë penalë për vrasje dhe trafik droge.
Skema e dyshuar e zhvatjes
Sipas kallëzimit fillimisht u kërkua një shumë prej 200,000 eurosh, përmes kërcënimeve me jetë. Në vijim, përmes një personi që mori rolin e “negociatorit”, shuma u ul në 100,000 euro. Policia organizoi një takim të kontrolluar, ku u dorëzuan 50,000 euro si pjesë e operacionit për kapjen në flagrancë. Tre të dyshuarit u arrestuan në momentin që morën paratë, ndërsa gjatë kontrollit iu sekuestruan: një pistoletë me 11 fishekë, 6 telefona celularë, një shumë parash prej 2,580 euro.
Biznesmeni ka deklaruar se pas denoncimit automjetet e tij u sulmuan me kokteje Molotovi, në një nga bizneset e tij u raportuan të shtëna me armë zjarri. Gjithashtu, dy persona me fytyra të mbuluara dyshohet se kërcënuan një punonjës në vendin e punës për të ushtruar presion psikologjik.
Gjatë kontrollit në qelinë e 48-vjeçarit: u gjetën 3 telefona celularë, si dhe një thikë e improvizuar. Ai raportohet se kundërshtoi kontrollin e policisë.
Lini një Përgjigje