
Një ngjarje kriminale brenda familjes është parandaluar sot në fshatin Trepç të Dibrës.
46-vjeçari me iniciale H.Sh. ka rënë në pranga të policisë pasi për motive xhelozie ka ushtruar dhunë ndaj bashkëshortes dhe djalit të tyre 17-vjeçar duke u shkakuar atyre dëmtime fizike si dhe i ka kërcënuar ato se do t’i vriste me çifte.
Në cilësinë e provës materiale u sekuestrua arma e gjahut çifte me të cilën 46-vjeçari ka kanosur familjarët e tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.
Lini një Përgjigje