FLASH
Shkruar nga Pamfleti
Një aksident tragjik ka ndodhur në orët e para të mëngjesit të së hënës, në provincën e Bolonjës, ku ka humbur jetën 32-vjeçari shqiptar Leonard Fjora, banues në Marzabotto.
Sipas policisë, Fjora po drejtonte një Volkswagen Lupo, kur parpitur hyri në korsinë e kundërt dhe u përplas me një kamion mbeturinash.
32-vjeçari mbeti i bllokuar brenda automjetit dhe ndërroi jetë mes flakëve. Në aksident u përfshi edhe kamioni, por drejtuesi i tij pësoi vetëm lëndime të lehta.
Në vendngjarje ndërhynë dy ekipe të zjarrfikësve me mbështetje nga një autobotë, të cilët shuan zjarrin dhe siguruan zonën.
Ekipet e urgjencës mjekësore konfirmuan vdekjen e të riut shqiptar, ndërsa karabinierët zbardhën plotësisht dinamikën e aksidentit.
Shoferi i kamionit pësoi lëndime të lehta dhe ndodhet jashtë rrezikut për jetën.
Sipas hetimeve paraprake të karabinierëve të Casalecchio-s, aksidenti mund të ketë ndodhur për shkak të një parakalimi të rrezikshëm nga ana e Fjorës.
Hetimet për aksidentin vijojnë.
Lini një Përgjigje