FLASH
Shkruar nga Pamfleti
Një i dyshuar për grabitje është paraqitur sot në Gjykatën Magjistrale të shkallës së parë, pasi akuzohet për më shumë se 30 vepra penale në të gjithë Anglinë.
Sipas Kent Online, 14 nga këto vepra dyshohet se kanë ndodhur në qarkun e Kentit, konkretisht në Sevenoaks, Tonbridge dhe Ashford.
I dyshuari, Gledis Uka, 29 vjeç, pa adresë të fiksuar, u akuzua të shtunën, më 31 janar, për: 31 akuza për vjedhje me thyerje
dhe 2 akuza për tentativë vjedhjeje.
Ai u paraqit sot në Gjykatën e Magjistraturës në Sevenoaks, ku u la në paraburgim.
Raportimet tregojnë se shumë prej pronave të sulmuara kishin dritare ose dyer xhami të thyer nga një burrë i maskuar, i cili më pas kishte vjedhur bizhuteri dhe para.
Uka u arrestua në Essex nga oficerët e Policisë së Kentit të premten dhe pritet të dalë sërish në gjykatë të hënën, më 2 mars, në Gjykatën e Kurorës në Maidstone.
Veprat e tjera të dyshuara kanë ndodhur gjithashtu në prona në qarqet: Berkshire, Bristol, Buckinghamshire, Essex, Suffolk
dhe Surrey.
Lini një Përgjigje