FLASH
Shkruar nga Pamfleti
Një 33-vjeçar ka rënë në prangat e policisë në Tiranë, i dyshuar si autor i gjashtë vjedhjeve të motomjeteve të ndodhura gjatë dy muajve të fundit në kryeqytet.
I arrestuari dyshohet se vidhte motomjete, i çmontonte në pjesë dhe më pas i shiste ato. Gjatë kontrollit të ushtruar në banesën e tij, shërbimet e policisë gjetën dhe sekuestruan pjesë të ndryshme motomjetesh, që dyshohet se i përkasin mjeteve të vjedhura.
Në kuadër të të njëjtit hetim, është proceduar penalisht edhe një 39-vjeçar, i cili dyshohet se ka përvetësuar motomjete dhe pjesë të tyre, duke qenë në dijeni se ishin të vjedhura.
"Gjatë këtij operacioni janë zbardhur 6 raste të vjedhjes së motomjeteve, të ndodhura gjatë në 2 muajve të fundit.
Në pranga është vënë 33-vjeçari që vidhte motomjete, i çmontonte në pjesë dhe i shiste ato. Gjatë kontrollit në banesën e tij, u gjetën pjesë të motomjeteve të vjedhura.
Gjithashtu është proceduar penalisht një 39-vjeçar, pasi dyshohet se ka përvetësuar nga i arrestuari, motomjet dhe pjesë motomjetesh, të vjedhura.
Vijon puna për zbardhjen dhe dokumentimin e vjedhjeve të tjera që mund të jenë kryer nga 33-vjeçari. Materialet procedurale iu referuan Prokurorisë, për veprime të mëtejshme", njofton policia.
Lini një Përgjigje