FLASH
Shkruar nga Pamfleti
Një aksident tragjik me katër viktima dhe dy të plagosur ka ndodhur mbrëmjen e sotme në Tepelenë, ndërsa janë zbardhur emrat e viktimave dhe të plagosurve.
Personat që kanë humbur jetën janë: Riza Astrit Rapaj 42 vjeç (shoferi i Benzit); Lavdosh Bega 62 vjeç dhe Lefteri Bega 57 vjeç (burrë e grua) dhe e afërmja e tyre Afërdita Begaj rreth 85 vjeç. Të tre ndodheshin në makinën tip Toyota që u përplas nga Benzi.
Të plagosur rëndë janë: Jani Meta rreth 60 vjeç dhe Lavdie Meta 63 vjeç.
Mësohet se ka qenë drejtuesi i automjetit “Benz” ai që ka humbur kontrollin duke dalë në korsinë e kundërt dhe duke u përplasur me automjetin “Toyota Yaris”.
Në aksident është përfshirë edhe drejtuesi i mjetit “BMW” që ndodhej pas tij.
Sipas raportimeve disa persona mbetën të bllokuar në automjete dhe u desh ndërhyrja e forcave zjarrfikëse që të nxirreshin.
Të plagosurit janë transportuar fillimisht për në Spitalin e Gjirokastrës për t’u trajtuar, por më pas janë nisur drejt Tiranës pasi ndodhen në gjendje të rëndë shëndetësore.
"Rreth orës 19:00, në aksin rrugor Tepelenë-Memaliaj, janë përfshirë në aksident rrugor 3 automjete.
Si pasojë e përplasjes së automjeteve kanë humbur jetën 4 shtetas ende të paidentifikuar dhe janë dëmtuar 2 shtetas të tjerë të cilët janë dërguar për ndihmë mjekësore në Spitalin Rajonal Gjirokastër. Grupi hetimor po punon për sqarimin e rrethanave dhe shkakut të aksidentit", njofton policia.
Lini një Përgjigje