FLASH
Shkruar nga Pamfleti
Është identifikuar një nga katër viktimat që humbën jetën në aksidentin tragjik në aksin rrugor Tepelenë-Memaliaj, ndërsa të plagosur mbetën dy të tjerë.
Riza Rrapa nga fshati Izvor Memaliaj është një prej viktimave të aksidentit tragjik në Tepelenë. Ai po udhëtonte me mjetin Mercedez Benz kur u përplasën tre makinat.
Sipas raportimeve, ka qenë drejtuesi i automjetit “Benz” ai që ka humbur kontrollin duke dalë në korsinë e kundërt dhe duke u përplasur me automjetin “Toyota Yaris”.
Në aksident është përfshirë edhe drejtuesi i mjetit “BMW” që ndodhej pas tij.
"Tepelenë/Informacion paraprak. Rreth orës 19:00, në aksin rrugor Tepelenë-Memaliaj, janë përfshirë në aksident rrugor 3 automjete.
Si pasojë e përplasjes së automjeteve kanë humbur jetën 4 shtetas ende të paidentifikuar dhe janë dëmtuar 2 shtetas të tjerë të cilët janë dërguar për ndihmë mjekësore në Spitalin Rajonal Gjirokastër. Grupi hetimor po punon për sqarimin e rrethanave dhe shkakut të aksidentit", thuhet në njoftimin e policisë.
Lini një Përgjigje