FLASH
Shkruar nga Pamfleti
Një aksident i rëndë ka ndodhur mesditën e sotme në Korçë në rrugën Dishniçë-Çiflig. Një makinë tip 'BMW' ka dalë nga rruga, duke shkaktuar vdekjen e 15 vjeçarit Rei Sherifi. Ndërsa ka mbetur i plagosur vëllai i tij, Kevi Sherifi.
Të dy vëllezërit pas aksidentit janë transportuar për në spital për të marrë ndihmën e nevojshme mjekësore por i mituri nuk ka mundur të mbijetojë si pasojë e plagëve të rënda të marra.
"Më datë 21.04.2023, rreth orës 12:05, në rrugën “Dishnicë-Çiflig”, shtetasi K. Sh., 21 vjeç, banues në fshatin Pojan, Maliq, duke drejtuar automjetin tip “BMW”, dyshohet se ka humbur kontrollin e drejtimit të automjetit dhe automjeti ka dalë nga rruga. Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë."-njofton policia.
Policia ndodhet në vendngjarje ku po punon për shkaqet e aksidentit.
Lini një Përgjigje