FLASH
Shkruar nga Pamfleti
Një aksident i rëndë ka ndodhur në aksin Kardhiq–Delvinë, në vendin e njohur si Fushë Vërri, në Delvinë. Ngjarja ka ndodhur rreth një orë më parë.
Sipas informacioneve paraprake, në aksident janë përfshirë dy automjete. Njëri prej tyre, me targa AA 246 RC, ka dalë nga rruga dhe është përmbysur pas përplasjes.
Ndërkohë, automjeti tjetër, një Audi me targa AB 558 XR, ka pësuar dëmtime të konsiderueshme.
Si pasojë e aksidentit, një person ka humbur jetën, ndërsa tre të tjerë kanë mbetur të plagosur dhe po marrin ndihmën e nevojshme mjekësore.
Në vendngjarje kanë mbërritur shërbimet e Policisë, ambulancat dhe forcat zjarrfikëse, të cilat kanë ndërhyrë për menaxhimin e situatës. Hetimet kanë nisur për të përcaktuar rrethanat dhe shkaqet që çuan në këtë aksident të rëndë.
Lini një Përgjigje