FLASH
Shkruar nga Diplomatico | Pamfleti.net
Premton BE-në brenda dekadës, por Shqipëria fundoset në krim, korrupsion dhe institucione të kapura...
Optimizmi i Edi Ramës për pranimin e Shqipërisë në Bashkimin Evropian brenda vitit 2030 nuk ka mbështetje reale në terren. Kjo qasje e shefit të qeverisë, e artikuluar shpeshherë me gjuhë triumfaliste, nuk pasqyron problemet strukturore që mbajnë peng procesin e integrimit. Shqipëria vazhdon të ketë deficite serioze në sundimin e ligjit, lirinë e medias, ndarjen e pushteteve dhe kapacitetin e institucioneve publike. Raportet e fundit të Komisionit Evropian evidentojnë mungesë progresi real në luftën kundër korrupsionit dhe pastrimit të parave. Vetëmarrja penale dhe konfiskimi i pasurive nga aktiviteti kriminal mbetet simbolik.
Shqipëria është sot një nga vendet me nivelin më të lartë të kriminalitetit të organizuar në Ballkan. Tregu i drogës, qarkullimi i parasë së zezë dhe kapja e ekonomisë nga struktura kriminale dhe klienteliste është fenomen i njohur dhe i dokumentuar nga agjenci europiane dhe organizata monitorimi. Pavarësisht retorikës zyrtare, sistemi i drejtësisë është ende nën presion politik dhe nuk është i pavarur. Reformimi i tij ecën me ritme të ngadalta dhe rezultatet nuk justifikojnë as fondet dhe as mbështetjen e dhënë nga partnerët europianë.
Optimizmi nuk mund të bazohet mbi data simbolike dhe premtime publike pa plan konkret veprimi. Procesi i anëtarësimit në BE nuk është një garë propagandistike, por test i kapaciteteve reale të një shteti për të respektuar dhe zbatuar standarde të forta demokratike. Shqipëria nuk mund të anëtarësohet në BE pa ndryshuar rrënjësisht modelin e saj politik, pa garantuar pavarësinë e gjyqësorit, pa luftuar korrupsionin në nivelet e larta dhe pa ndërtuar ekonomi transparente.
Sot, asnjë nga këto kushte nuk është i ársyeshëm. Asnjë nga këto sfida nuk mund të shmanget me komunikim politik optimist. Qytetarët nuk kanë nevojë për retorikë, por për reforma të ndjeshme që e ndryshojnë realisht jetën publike dhe besimin te institucionet. Deri atëherë, çdo fjalë për pranimin e afër të Shqipërisë në BE mbetet spekulim politik i brendshëm./Pamfleti
Të gjitha sa shkruani rrena me bisht.BE ka dhënë të dhëna për seicilin nga problemet qëvlerësoni ndryshe ju. Ju përsëritni vlersimet e Salukut, por që janë totalisht rrena. Çfarë thot BE janë të vërteta. Mos hapni gojë më. Vetem në se paguheni keni një farë të drejte për të mbijetuar. Zenin aty e keni dhe vazhdoni por ne e kuptojmë kur merrni para.
O QORR NJERI.TI JE PATRONAZHIST PADISKUTIM. DHE JE I PAFYTYRE PER ATO QE KE SHKRUAR PER KETE SHKRIM TE PAMFLETIT. TI PAGUHESH VETEM SI LLAPAQEN I PUSHTETIT AKTUAL KRIMINAL E DROGAXHI. PO DIHE SE CDO E KEWE JA NJE FUND E KY PO VJEN SI PER QEVERINE DHE PER TY.