FLASH
Shkruar nga Pamfleti
Qeveria Kanadeze ka urdhëruar evakuimin e 20 mijë banorëve në qytetin Yellowknife, Kanada për shkak të zjarrit masiv e cila është vetëm 16 km larg qytetit.
Forcat e armatosura kanadeze po ndihmojnë zjarrfikësit në largimin e banorëve përmes avionëve të llojit “Hercules”, raporton Reuters.
Qindra njerëz po prisnin jashtë një shkolle për t'u transferuar në aeroport në një nga pesë fluturimet e evakuimit të planifikuara të enjten në provincën fqinje.
Kryeministri Justin Trudeau planifikoi të thërrasë në një takim zyrtarët e lartë për të diskutuar çështjen e zjarreve në vend.
Mbi 200 zjarre kanë shkrumbuar një sipërfaqe të madhe toke në rajonin e njohur si Territoret Veri-perëndimore. Deri më tani, rreth 134 mijë km katrorë tokë në Kanada janë shkrumbuar nga flakët e zjarrit masiv.
Autoritetet paralajmërojnë se nëse nuk ka reshje, në fundjavë flakët do të arrijnë në Jellou Najf, kryeqytetin e rajonit.
15% e popullsisë së Territoreve Veri-perëndimore është evakuuar. Zyrtarët thonë se shumica e akseve rrugore janë të sigurta, por shtojnë se nëse tymi i zi kufizon shikueshmërinë, njerëzit që largohen nga Jellou Najf nga autostrada do të shoqërohen përmes zonës aktive të zjarrit.
Lini një Përgjigje