FLASH
Shkruar nga Pamfleti
Zbardhen detajet e ngjarjes së rëndë sot në Podgoricë, ku pati një shpërthim brenda gjykatës. Sipas mediave vendase, një 39-vjeçar ka hyrë në gjykatë me një grantë dore dhe ka shpërthyer atë. Vetë ai ka ndërruar jetë, ndërsa mësohet se janë plagosur 7 të tjerë.
Gjykata e Podgoricës ka dy dyer xhami që duhet të kalohen dhe shpërthimi ka ndodhur mes të dyja dyerve. Autori është identifikuar si Mladen Bulatoviç. Nga 7 të plagosurit, njëri prej tyre ndodhet në gjendje të rendë.
“Rreth orës 11:35 në hyrje të objektit të Gjykatës Themelore në Podgoricë, M.B. me shumë gjasa ka aktivizuar një granatë dore, e cila e ka vrarë, ndërsa pesë persona, sipas informacioneve të deritanishme, janë lënduar”, njofton policia.
Siç shtojnë ata, ekipet e policisë dhe shërbimet kompetente ndodhen në terren për hetimin dhe sigurimin e vendit të ngjarjes. PO ashtu mësohet se ngjarja e rëndë nuk ka të bëjë me politikë apo terrorizëm.
Lini një Përgjigje