FLASH
Shkruar nga Pamfleti
Një video e regjistruar gjatë tërmeteve të fuqishme që goditën Venezuelën është bërë virale në rrjetet sociale, duke prekur mijëra njerëz në mbarë botën.
Në pamje shihet një burrë i moshuar, i cili gjatë lëkundjeve të forta të tërmetit nuk ia lëshon dorën partneres së tij, duke qëndruar pranë saj gjatë gjithë kohës. Gruaja, e cila duket se ka vështirësi në lëvizje, mbështetet tek ai ndërsa të dy përjetojnë momentet e frikës brenda banesës së tyre.
Pavarësisht panikut të shkaktuar nga tërmeti, i moshuari përpiqet ta qetësojë dhe ta mbrojë partneren, një skenë që ka emocionuar përdoruesit e rrjeteve sociale dhe është shpërndarë me mijëra herë.
???????? Heartbreaking moment: Elderly man holds tightly to his partner's hand, shielding her as the Venezuela earthquake shakes their home.
— Visegrád 24 (@visegrad24) June 25, 2026
pic.twitter.com/BO1K8iZMcH
Shumë komentues e kanë cilësuar videon si një simbol të dashurisë, besnikërisë dhe përkushtimit, duke vlerësuar mënyrën se si çifti përballoi së bashku një nga momentet më të vështira të jetës së tyre.
Venezuela u godit nga dy tërmete të fuqishme me magnitudë 7.2 dhe 7.5 ballë, të cilat shkaktuan dhjetëra viktima dhe dëme të mëdha materiale, ndërsa operacionet e kërkim-shpëtimit vijojnë në zonat e prekura.
Lini një Përgjigje