FLASH
Shkruar nga Pamfleti
Ministri izraelit i Sigurisë Kombëtare, Itamar Ben-Gvir dënoi marrëveshjen e armëpushimit me Hamasin duke thënë se pauza gjatë zhvillimit të luftës përbën një “precedent të rrezikshëm”.
Ai tha se ndërkohë që ka një “përparësi” në marrëveshjen për kthimin e të burgosurve, Izraeli nuk ka të drejtë dhe autoritet të pajtohet me idenë e ndarjes së tyre dhe lirimit të vetëm një pjese.
Ministri e kritikoi marrëveshjen për mossigurimin e lirimit të të gjitha grave dhe fëmijëve të bllokuar në Gaza, duke e quajtur atë të pamoralshme, të palogjikshme, aspak të mjaftueshme. Ben-Gvir ishte ndër ministrat izraelitë që votuan kundër marrëveshjes së armëpushimit.
“Hamasi e donte këtë ‘time-out’ më shumë se çdo gjë. Korniza është një precedent i rrezikshëm, i cili ndryshon ekuacionin dhe mund të sjellë më shumë ngjarje. Ky vendim do të na shkaktojë dëm të madh për breza. Hamasi e donte këtë armëpushim më shumë se çdo gjë. Ata donin të merrnin, në këmbim, karburant, lirimin e terroristëve, një ndalesë të veprimeve të IDF-së dhe kështu me radhë”, tha ai.
Lini një Përgjigje