FLASH
Shkruar nga Pamfleti
Presidenti i sapozgjedhur i SHBA Donald Trump dhe lideri kinez Xi Jinping, kanë zhvilluar një telefonatë, teksa pritet që Trump të kthehet në Shtëpinë e Bardhë.
Mësohet se ata kanë diskutuar lidhur me tregtinë dhe gjithashtu për Tik Tok.
Edhe pse Trump, ka deklaruar se sapo të marrë pushtetit do të vendosë tarifa të larta ndaj mallrave kineze, Jinping e ka uruar atë për fitoren e mandatit.
Telefonata mes tyre u zhvillua në të njëjtën ditë kur Gjykata e Lartë e SHBA-së mbështeti një ligj që ndalon TikTok nëse nuk shitet nga kompania e saj mëmë me bazë në Kinë.
“Të dy i kushtojmë rëndësi të madhe ndërveprimit, shpresojmë për një fillim të mirë të Kinës dhe SHBA-ve. Shpresojmë që të kemi një marrëdhënie sa më të mirë mes Uashingtonit dhe Pekinit”, tha Xi në telefonatë.
Trump konfirmoi në platformën e tij “Truth Social” se kishte folur me Xi, duke thënë se “thirrja ishte shumë e mirë si për Kinën ashtu edhe për SHBA-në”. Ata folën për tregtinë dhe TikTok, por edhe më shumë, tha ai.
“Presidenti Xi dhe unë do të bëjmë gjithçka që është e mundur për ta bërë botën më paqësore dhe të sigurt!”, ka shkruar Trump.
Ditët e fundit kanë treguar një anë më të ngrohtë të marrëdhënieve SHBA-Kinë, e cila pritet të jetë një nga fokuset kryesore të mandatit të dytë të Trump. Në fushatën e tij, Trump kërcënoi se do të rriste tarifat për mallrat kineze deri në 60% dhe më vonë premtoi një rritje shtesë prej 10% mbi akuzat se Kina nuk ka arritur të frenojë rrjedhën e drogave të paligjshme në Shtetet e Bashkuara.
Ekspertët besojnë se Trump do të zgjeronte kontrollet edhe mbi produktet e shitura në Kinë. Por ata gjithashtu kanë vënë në dukje se Trump u zotua të “shpëtojë TikTok” edhe pse ai u përpoq të ndalonte platformën e mediave sociale herën e fundit që ishte në Shtëpinë e Bardhë.
Pas vendimit të Gjykatës së Lartë, Trump tha në mediat sociale se “vendimi i tij për TikTok do të merret në një të ardhme jo shumë të largët, por unë duhet të kem kohë për të shqyrtuar situatën!”
Lini një Përgjigje