FLASH
Shkruar nga Pamfleti
Presidenti amerikan Donald Trump ka habitur opinionin publik me një deklaratë të pazakontë lidhur me përpjekjet për paqen në Ukrainë. Në një intervistë për Fox News, ai tha se ndalimi i luftës dhe shpëtimi i jetëve njerëzore është një nga mënyrat për të fituar “një vend në parajsë”.
“Nëse mund të shpëtoj 7 mijë njerëz në javë nga vdekja, mendoj se është diçka e madhe. Dua të përpiqem të shkoj në parajsë, nëse është e mundur. Po dëgjoj që nuk po shkoj shumë mirë… jam në fund të listës. Por nëse e arrij parajsën, kjo do të jetë një nga arsyet”, tha ai.
Deklarata e Trump u komentua edhe në konferencën e rregullt për shtyp në Shtëpinë e Bardhë. Zëdhënësja Karoline Leavitt theksoi se presidenti e kishte seriozisht dhe jo si një shaka elektorale.
“Mendoj se presidenti ishte serioz. Ai vërtet dëshiron të shkojë në parajsë – ashtu si shpresojmë të gjithë ne në këtë sallë”, tha ajo.
Deklarata, megjithëse e çuditshme në ton, lidhet me përpjekjet e Trump për të pozicionuar veten si “presidenti i paqes” në përballjen e tij me krizën më të madhe gjeopolitike të Evropës që prej Luftës së Dytë Botërore.
Lini një Përgjigje