FLASH
Shkruar nga PamfletiTrump ka qenë shumë kritik ndaj aleatëve të tij në Evropë për mosmbështetjen e luftës së tij, edhe pse askush nuk ishte njoftuar për qëllimin e tij për të sulmuar.
NATO nuk ka bërë 'absolutisht asgjë' për të ndihmuar SHBA-në në luftën me Iranin.
Kështu ka deklaruar ditën e sotme, presidenti i SHBA, Donald Trump në një nga postimet e shumta në rrjetet sociale.
Në një postim me shkronja kapitale në 'Truth', Donald Trump ka sulmuar aleatët e NATO-s që nuk kanë bërë 'absolutisht asgjë' për të ndihmuar SHBA-në në fushatën e saj ushtarake kundër Iranit.
Më pas, Trump ka lëshuar një paralajmërim ndaj NATO-s, duke shtuar se SHBA-të nuk kanë nevojë për asgjë nga NATO, 'mos e harroni kurrë' këtë që po bëni.
“KOMBET E NATO-s NUK KANË BËRË ABSOLUTISHT ASGJË PËR TË NDIHMUAR ME KOMBIN E ÇMENDUR, TANI TË SHKATËRRUAR USHTARAKISHT, TË IRANIT. SHBA-të NUK NUK KANË NEVOJË PËR ASGJË NGA NATO, POR MOS E HARRONI KURRË KËTË, NË KËTË KOHË SHUMË TË RËNDËSISHME KU JEMI!”, shkruan Trump.
Trump ka qenë shumë kritik ndaj aleatëve të tij në Evropë për mosmbështetjen e luftës së tij, edhe pse askush nuk ishte njoftuar për qëllimin e tij për të sulmuar.
Ndërsa pretendon se nuk ka nevojë për ndihmën e tyre, presidenti amerikan i ka kritikuar vazhdimisht ata për mosbërjen e asgjëje për të ndihmuar në luftën që filloi Uashingtoni dhe Izraeli.
Pentagoni po shqyrton mundësinë e devijimit të armëve të destinuara për Ukrainën në Lindjen e Mesme, ndërsa lufta në Iran po shterron disa nga municionet më kritike të ushtrisë amerikane, raportoi gazeta Washington Post.
Shtetet e Bashkuara kanë zhvendosur tashmë sisteme të mbrojtjes ajrore me vlerë të lartë - duke përfshirë raketat Patriot nga Evropa në Lindjen e Mesme, duke ngritur shqetësime në lidhje me boshllëqet e mundshme në mbrojtjen evropiane dhe duke nënvizuar konkurrencën midis teatrove të operacioneve.
Në të njëjtën kohë, ekspertët paralajmërojnë se përdorimi i rëndë i raketave të avancuara interceptuese si në Lindjen e Mesme ashtu edhe në Ukrainë po i shterron me shpejtësi rezervat e SHBA-së, duke minuar potencialisht gatishmërinë e saj në teatro të shumta operacionesh, përfshirë Indo-Paqësorin.
Gjejini mo djalit nje doktor te mire se eshte bere per te ardhur keq.