FLASH
Shkruar nga Pamfleti
Një anije në Kalamata të Greqisë është mbytur, ku deri më tani raportohet për 59 viktima në ujërat e detit Mesdhe, ndërkohë që janë shpëtuar rreth 104 emigrantë klandestinë.
Kyriakos Mitsotakis, kandidati për kryeministër në zgjedhjet e 25 qershorit, ka ndërprerë fushatën elektorale dhe po shkon në Kalamata. Raportohet se deri tani janë nxjerrë nga uji trupat e pajetë të 59 emigrantëve të paligjshëm.
Gjithashtu, edhe presidentja e vendit Katerina Saqelaropul po shkon në vendngjarje për të parë nga afër situatën.
Anija ishte nisur nga Libia drejt Italisë dhe u mbyt në ujërat ndërkombëtare që ndajnë Greqinë me Italinë, 47 milje në jug të gadishullit të Peleponezit në zonën më jugore të tij, Pilos.
Ende vazhdojnë kërkimet për gjetjen e të tjerëve ndërsa nuk dihet numri i saktë i personave që ndodheshin në anijen e mbytur.
Kujtojmë se, një zhytës 45-vjeçar ka humbur jetën teksa ka tentuar të nxjerrë trupat e pajetë të emigrantëve që ishin bllokuar në peshkarexhën e mbytur.
Lini një Përgjigje