FLASH
Shkruar nga Pamfleti
Një incident ka ndodhur gjatë protestës së sotme në Serbi, ku studentët dhe qytetarët në Novi Pazar janë përplasur me policinë. Ata kanë tentuar të pengojnë nisjen e një autobusi për në Beograd, me përkrahës të qeverisë. Mësohet se nga aksioni i policisë, disa persona janë lënduar lehtë. Më pas studentët u tërhoqën nga godina e policisë dhe protestën zhvendosën me një plan tjetër.
Presidenti serb Aleksandër Vuçiç, u zotua të rimarrë kontrollin pas muajve të tërë të protestave masive kundër korrupsionit që kanë tronditur kontrollin e tij të fortë mbi pushtetin.
Me pankarta në duar, studentët brohorisnin: “A nuk ju vjen turp?”, “Turp të keni”!.
Ndërsa siç shihet nga pamjet, policët i tërhiqnin qytetarët nga duart dhe këmbët.
Ndërkohë, policia serbe i largoi tubuesit dhe mundësoi kalimin e autobusit. Mbështetësit e pushtetit në Serbi kanë nisur tubimin: “Ne nuk heqim dorë nga Serbia” që është thirrur nga presidenti serb, Vuçiç.
Lini një Përgjigje