FLASH
Shkruar nga Pamfleti
Më herët të paktën gjashtë punonjës të Këshillit të Sigurisë Kombëtare ishin pushuar nga puna pas një vizite në Zyrën Ovale.
Presidenti Donald Trump shkarkuar Gjeneralin Timothy Haugh, kreun e Agjencisë së Sigurisë Kombëtare (NSA) dhe të Komandës Kibernetike të SHBA-së kanë raportuar mediat në SHBA.
Nuk është e qartë pse ai u largua nga detyra, por kjo vjen pas një takimi mes Presidentit Donald Trump dhe aktivistes së ekstremit të djathtë Laura Loomer të mërkurën shkruan CBS News.
Sipas raporteve, znj. Loomer e ka nxitur Trumpin të shkarkojë disa punonjës të cilët ajo dyshonte se nuk e mbështesnin agjendën e tij.
Ajo postoi në platformën X se Gjenerali Haugh dhe zëvendësja e tij Wendy Noble e cila sipas mediave amerikane gjithashtu është shkarkuar “kanë qenë të pabesë ndaj Presidentit Trump dhe kjo është arsyeja pse janë shkarkuar.”
Para se të raportohej shkarkimi i tyre, Trump u tha gazetarëve se do të largojë çdo punonjës që konsiderohet i pabesë.
“Ne gjithmonë do të largojmë njerëz – njerëz që nuk i pëlqejmë ose që përfitojnë, ose që mund të kenë besnikëri ndaj dikujt tjetër,” tha ai para gazetarëve në bordin e Air Force One.
Trump i bëri këto komente ndërkohë që po qarkullonin lajme për shkarkimin e të paktën tre zyrtarëve të tjerë në Këshillin e Sigurisë Kombëtare të Shtëpisë së Bardhë (NSC), pas takimit të supozuar me znj. Loomer.
Presidenti nuk i konfirmoi emrat.
Agjencia e Sigurisë Kombëtare (NSA) e referoi BBC-në tek Zyra për Marrëdhënie me Publikun e Sekretarit të Mbrojtjes për komente lidhur me shkarkimet.
Shtëpia e Bardhë më parë i tha BBC-së se NSC-ja “nuk komenton çështjet e personelit.”
Demokratët kryesorë në komitetet e inteligjencës të Dhomës së Përfaqësuesve dhe Senatit, përfaqësuesi Jim Himes nga Connecticut, anëtar i lartë i Komitetit të Inteligjencës së Dhomës, dhe Senatori Mark Warner nga Virginia, nënkryetar i Komisionit të Zgjedhur për Inteligjencën në Senat e zbuluan shkarkimin e Gjeneralit Haugh për CBS.
Himes tha në një deklaratë për CBS se ishte “thellësisht i shqetësuar” nga vendimi.
“Unë e kam njohur Gjeneralin Haugh si një udhëheqës të ndershëm dhe të drejtë që ka ndjekur ligjin dhe ka vendosur sigurinë kombëtare në radhë të parë kam frikë se pikërisht këto janë cilësitë që mund të kenë çuar në shkarkimin e tij nga kjo administratë,” tha Himes.
Lini një Përgjigje