FLASH
Shkruar nga Pamfleti
Presidenti rus, Vladimir Putin, ka thënë privatisht se është i hapur për një armëpushim në Ukrainë, sipas raportimit të New York Times, pavarësisht se publikisht shefi i Kremlinit tha se nuk do të tërhiqet nga konflikti.
Putin ka sinjalizuar nëpërmjet ndërmjetësve të tij që nga shtatori se ai është i hapur për një armëpushim që ngrin luftimet përgjatë linjave aktuale, shumë larg ambicieve të tij për të dominuar Ukrainën, kështu kanë deklaruar dy ish-zyrtarë të lartë rusë pranë Kremlinit, sipas zyrtarëve ndërkombëtarë që kanë marrë mesazhin nga të dërguarit e Putin.
Interesi i përsëritur i Putinit për një armëpushim është një shembull se si oportunizmi dhe improvizimi e kanë përcaktuar qasjen e tij ndaj luftës pas dyerve të mbyllura. Dhjetëra intervista me rusët që e kanë njohur prej kohësh dhe me zyrtarë ndërkombëtarë me njohuri mbi funksionet e brendshme të Kremlinit tregojnë një lider që manovron për të reduktuar rreziqet dhe për të mbajtur opsionet e tij të hapura në një luftë që ka zgjatur më shumë nga sa priste. Ndërsa përdorte një retorikë të zjarrtë publike, Putin telegrafon privatisht një dëshirë për të shpallur fitoren dhe për të ecur përpara.
Ndërkohë zyrtarët amerikanë argumentojnë se pavarësisht nga hapi i Putin, Ukraina duhet të demonstrojë fuqinë e saj të qëndrueshme dhe Shtetet e Bashkuara duhet të tregojnë se janë të gatshme të mbështesin Ukrainën për të prishur besimin e Putin se koha është në anën e tij dhe për të detyruar lëshime në çdo negociatë.
Shumë në Perëndim janë skeptikë për një armëpushim, sepse ata thonë se Putin do të riarmatosej për një sulm në të ardhmen./New York Times
Lini një Përgjigje