FLASH
Shkruar nga Pamfleti
Për të dytin vit radhazi, Ukraina feston Krishtlindjet në luftë, ndërkohë që presidenti Volodimir Zelenski, uroi qyterarët e tij dhe ushtrinë në frontin e luftës nga Kievi.
Në një mesazh drejtuar popullit ukrainas, ai uroi Krishtlindje të bardha, me urimin se lufta do të mbarojë shpejt dhe se vitin e ardhshëm, festën të mund ta kalojnë në shtëpi, në një tryezë, në paqe.
Ai shtoi se Ukraina do të triumfoi dhe se Rusia të cilën e krahasoi me djallin, do të mposhtet përfundimisht.
“Është viti i dytë që ne Krishtlindjen e kalojmë në luftë dhe festa në luftë merr një tjetër dimension. Është Krishtlindje, por ne e kalojmë jo në humor, me një shije tjetër, ndryshe nga pjesa tjetër e botës. Edhe dreka e Krishtlindjes në familje është ndryshe sepse jo të gjithë janë në shtëpi dhe jo të gjithë e kanë ende një shtëpi. Sot, për ne nuk ka vlerë ushqimi mbi tryezë, por një tryezë ku njerëzit të ulen bashkë dhe të vlerësojnë jetën, si dikur. Ne lutemi për fundin e luftës, ne lutemi për fitore.
Sot, të gjithë ukrainasit janë bashkë. Ne festojmë Krishtlindjen së bashku, si një familje e madhe, si një komb i vetëm, i bashkuar. Hap pas hapi, ditë pas dite, errësira po zhduket dhe errësira do zhduket shumë shpejt, djalli do humbë. Sot, qëllimi ynë i vetëm është ëndrra jonë e vetme. Liria jonë, fitorja jonë, për Ukrainën tonë, për ditën kur të gjithë mund të mblidhemi përsëri në një shtëpi të paqtë, për të festuar paqesisht Krishtlindjen e për të uruar njëri tjetrin: Krishtli u ngjall”, përfundoi Zelensky.
Lini një Përgjigje