FLASH
Shkruar nga Pamfleti
Pesë nga shefat e inteligjencës evropiane dyshojnë se një marrëveshje midis Rusisë dhe Ukrainës është e mundshme këtë vit, sipas agjencisë së lajmeve Reuters. Kjo pavarësisht këmbënguljes së Donald Trump se bisedimet e ndërmjetësuara nga SHBA-ja e kanë sjellë një marrëveshje "mjaft afër".
Krerët folën në kushte anonimiteti dhe thanë se Rusia nuk dëshiron ta përfundojë luftën shpejt, ndërsa katër prej tyre thanë se Moska po përfiton nga bisedimet për të nxitur lehtësimin e sanksioneve dhe marrëveshjet e biznesit.
Një shef madje tha se bisedimet janë "teatër negociatash". Reuters sugjeroi që komentet tregojnë një ndarje të thellë midis Evropës dhe SHBA-së.
Volodymyr Zelensky tha se Shtëpia e Bardhë dëshiron të arrijë një marrëveshje paqeje deri në qershor, përpara zgjedhjeve të mesit të mandatit të Kongresit të SHBA-së në nëntor, ndërsa Trump beson se Vladimir Putin dëshiron të arrijë një marrëveshje.
“Rusia nuk po kërkon një marrëveshje paqeje. Ata po kërkojnë qëllimet e tyre strategjike dhe ato nuk kanë ndryshuar”, tha një nga shefat e inteligjencës evropiane.
Një tjetër shef tha se Rusia as nuk dëshiron dhe as nuk ka nevojë për një marrëveshje të shpejtë paqeje, pasi ekonomia e saj "nuk është në prag të kolapsi.
Lini një Përgjigje