FLASH
Shkruar nga Pamfleti
Një gazetar amerikan i "Wall Street Journal", Evan Gershkovich është arrstuar në Yekaterinburg të Rusisë.
Kjo është raportuar nga media ruse Interfax duke cituar një deklaratë nga shërbimet e brendshme të inteligjencës FSB.
Gershkovich, 32 vjeç, është gazetar i akredituar në Ministrinë e Jashtme. Ai akuzohet për spiunazh. Në një deklaratë, FSB-ja thekson se gazetari, "duke vepruar sipas udhëzimeve nga pala amerikane, mblodhi informacione të mbuluara nga sekreti shtetëror mbi veprimtarinë e një prej ndërmarrjeve të kompleksit industrial ushtarak rus".
Gershkovich është gazetari i parë për një gazetë amerikane që arrestohet për spiunazh në Rusi që nga Lufta e Ftohtë. Arrestimi i tij vjen në mes të tensioneve të ashpra midis Moskës dhe Uashington DC mbi luftimet në Ukrainë.
FSB pretendoi se Gershkovich "po vepronte me urdhrat e SHBA për të mbledhur informacion në lidhje me aktivitetet e një prej ndërmarrjeve të kompleksit industrial ushtarak rus që përbën një sekret shtetëror".
Gershkovich mbulon Rusinë dhe Ukrainën si korrespondent në zyrën e Moskës të Wall Street Journal. FSB vuri në dukje se ai kishte akreditim nga ministria e jashtme ruse për të punuar si gazetar.
Raporti i tij i fundit nga Moska, i publikuar në fillim të kësaj jave, u fokusua në ngadalësimin e ekonomisë ruse mes sanksioneve perëndimore të vendosura kur trupat ruse hynë në Ukrainë vitin e kaluar.
Lini një Përgjigje