FLASH
Shkruar nga Pamfleti
Ish presidenti rus, Dmitry Medvedev ka paralajmëruar Perëndimin, duke thënë se dërgimi i armëve në Ukrainë do të ketë pasoja të mëdha, duke cituar rrezikun e një “apokalipsi bërthamor”.
Ai shtoi gjithashtu se mohimi i përfshirjes së Kievit në një inkursion të armatosur në rajonin kufitar rus të Bolgorodit ishte “gënjeshtër”.
Ndërkohë që lidhur me rastin, janë grupet e armatosura ruse që mbështesin Kievin në luftë, ata që kanë marrë përgjegjësinë për sulmet në rajonin rus të Bolgorodit.
“Është mjaft e habitshme për ne që u desh kaq shumë kohë që kryengritësit rusë dhe partizanët rusë të bëhen më aktivë në drejtim të përpjekjes për të hequr qafe regjimin terrorist që po i shkakton vdekje dhe shkatërrim Ukrainës, dhe po izolon Rusinë ndërkombëtarisht,” tha një zyrtar ukrainas.
“Mbi 200,000 ushtarë rusë janë vrarë, dhe mesa duket situate ka shkuar aty ku nuk mban më”, tha një këshilltar i ministrit të mbrojtjes së Ukrainës, Yuriy Sak.
Lini një Përgjigje