FLASH
Shkruar nga Pamfleti
Presidenti i SHBA-së, Donald Trump, ka konfirmuar se vizita e Mbretit Charles III dhe Mbretëreshës Camilla në Shtetet e Bashkuara do të zhvillohet sipas planit, pavarësisht situatës së tensionuar të krijuar nga incidenti i fundit me armë.
I pyetur nga gazetarët nëse vizita do të shtyhej, Trump u përgjigj prerazi se “Mbreti po vjen ende”, duke theksuar se pret një takim pozitiv dhe miqësor.
Në deklaratat e tij, presidenti amerikan u shpreh me tone vlerësuese për monarkun britanik, duke e cilësuar atë si një figurë të rëndësishme dhe përfaqësuese të denjë të vendit të tij.
“Ai është një djalë i shkëlqyer, një person fantastik dhe shumë i guximshëm”, tha Trump, duke shtuar se pret një vizitë të suksesshme.
Këto deklarata vijnë në një moment të ndjeshëm për SHBA-në, pas një incidenti me armë që ka rritur shqetësimet për sigurinë në eventet publike dhe në agjendën diplomatike. Megjithatë, autoritetet nuk kanë bërë me dije për ndryshime në protokollet e vizitës mbretërore.
Lini një Përgjigje