FLASH
Shkruar nga Pamfleti
Pas disa javësh vuajtje, brohoritma gëzimi u dëgjuan mbrëmjen e së shtunës dhe orët e para të së dielës në Palestinë, pasi disa nga të burgosurit palestinezë u liruan nga burgjet izraelite.
Një autobus me 39 të burgosur palestinezë të liruar nga Izraeli sipas marrëveshjes së armëpushimit mbërriti në Bregun Perëndimor herët të dielën.
Familjet e tyre dhe turmat u mblodhën në Al Bireh, Ramallah në Bregun Perëndimor për të festuar lirimin e 39 të burgosurve, që u liruan në ditën e dytë të një marrëveshjeje katër-ditore të armëpushimit dhe shkëmbimit të të burgosurve. Në personat e liruar, 33 janë adoleshentë dhe gjashtë janë gra.
Turma po thërriste "Allahu është i madh" kur autobusi mbërriti, ndërsa disa të rinj u ngjitën në çatinë e automjetit. Shumë në turmë mbanin flamuj të Hamasit dhe brohoritnin parulla pro-Hamasit.
pic.twitter.com/OJy6wowpbU
— ⚡️???? World News ????⚡️ (@ferozwala) November 26, 2023
Part of the reception of the young prisoners' bus in Al-Bireh.#WestBank #Palestine #Breaking
Të burgosurit palestinezë mbërritën të veshur me xhup gri, rrobat që mbanin kur u liruan nga burgu.
Atyre iu deshën një orë e gjysmë për të arritur në Ramallah, ndërsa autobusi me të cilin po udhëtonin përshkoi turmën. Familjet e të liruarve duke folur për Al Jazeera shprehën se ishin shumë të lumtur por kjo ndjenjë po zbehet nga lufta e vazhdueshme në Gaza dhe nga fakti që kaq mijëra të burgosur palestinezë mbeten në burgjet izraelite.
Isra Jaabis, 37 vjeçe, është në mesin e 39 të burgosurve palestinezë të liruar nga burgjet Damon, Megiddo dhe Ofer në këmbim të 13 pengjeve izraelitë të mbajtur në Gaza si pjesë e ditës së dytë dhe plot ngjarje të armëpushimit midis Izraelit dhe Hamasit.
Isra Jaabis u arrestua në tetor 2015. Ajo u akuzua për tentativë vrasje pasi makina e saj shpërtheu pranë një postblloku izraelit.
Sipas saj, e cila ka djegie në gjysmën e trupit të saj, një bombol gazi me defekt u përfshi nga flakët përpara një postblloku në Jerusalemin Lindor.
Autoritetet izraelite e akuzuan atë për përpjekje për të shpërthyer një bombë me qëllim të vrasjes së ushtarëve izraelitë dhe ajo u dënua me 11 vjet burg.
Israa AlJaabis united with her family members. #Palestine #WestBank #Gaza pic.twitter.com/41r8XrIIEi
— Quds News Network (@QudsNen) November 26, 2023
Izraeli ka liruar deri më tani 78 të burgosur palestinezë, duke përfshirë 39 të liruar të premten dhe 39 të liruar të shtunën vonë, pasi një marrëveshje e përkohshme armëpushimi dhe shkëmbimi i të burgosurve po vazhdojnë.
Por Izraeli ka vazhduar gjithashtu të arrestojë më shumë palestinezë në bastisjet e përditshme në Bregun Perëndimor të pushtuar, edhe pse liron të tjerë.
Të shtunën, Klubi i të burgosurve palestinezë raportoi se të paktën 17 palestinezë u arrestuan në Bregun Perëndimor pas lirimit të parë të të burgosurve.
Edhe pas lirimeve, më shumë se 8,000 palestinezë mbeten në paraburgim izraelit, duke përfshirë më shumë se 2,200 të burgosur administrativë të mbajtur pa akuza ose gjyq.
Lini një Përgjigje