FLASH
Shkruar nga Pamfleti
Kryetari i Partisë Tisza, Peter Magyar njoftoi në rrjetet sociale se Viktor Orbán e telefonoi dhe e uroi për fitoren në zgjedhje...
Viktor Orban ka pranuar humbjen teksa numërimi i votave ende vazhdon, por me një diferencë të pakthyeshme. Kjo ka detyruar Orbanin që të urojë kundërshtarin për fitoren para rezultatit final. Kryetari i Partisë Tisza, Peter Magyar njoftoi në rrjetet sociale se Viktor Orbán e telefonoi dhe e uroi për fitoren në zgjedhje.
“Kryeministri Viktor Orbán sapo na uroi për fitoren tonë në telefon” njoftoi presidenti i Tiszës në Facebook.
Aktualisht kur janë numëruar mbi 60 për qind të votave, Partia Tisza ka 136 vende, ndërsa Fidesz-KDNP ka 56 vende. Kryeministri Orban konfirmoi në eventin në pritje të rezultateve se e kishte përgëzuar hungarezin Péter për fitoren e tij.
Në një fjalim para mbështetësve të tij, kryeministri Viktor Orbán pranoi se “rezultati i zgjedhjeve është i qartë dhe i dhimbshëm”, duke sinjalizuar një pranim të mundshëm të humbjes.
Ai falënderoi rreth 2.5 milionë votuesit e partisë së tij Fidesz dhe theksoi se mbështetësit duhet të përqendrohen në rindërtimin e komuniteteve të tyre.
“Ne kurrë nuk dorëzohemi. Ditët që na presin janë për të shëruar plagët tona", tha Orban.
Ta marrin e ta lidhin qenin e ta rrasin brenda, para se tja mbathi per ne Moske. Si duket e ndjeu lageshtiren ai cv mik matane oqeanit qe e mbeshteti dy dite me pare. Kane mbushur breket tere kallepi tij si Meloni, e jo vetem ky i joni por keta tanet.