FLASH
Shkruar nga Pamfleti
Një nxënës në Serbi është arrestuar për një vizatim që ka bërë. "Kurir" shkruan se nxënësi kishte bërë një vizatim të klasës me shokët e tij të vrarë dhe një tjetër person në këmbë që mbante një armë zjarri.
Këtë vizatim e kishte shpërndarë në grupet e klasës së tij. Kjo ka alarmuar prindërit në Serbi, të cilët kanë njoftuar autoritetet e shkollës dhe policinë. Të riut i është caktuar masa e ndalimit deri në 48 orë dhe me kallëzim penal do të dërgohet në Prokurorinë Themelore Publike në Kikindë.
Një rast tjetër i ngjashëm është evidentuar nga polica në Nish, ku kanë arrestuar një 13-vjeçar i cili kishte shpërndarë nga data 3 deri në 5 maj disa mesazhe kërcënuese në grupin e klasës në rrjetin social Instagram.
“Policia duke kontrolluar banesën ku jeton, ka gjetur dy pistoleta plastike të zeza të vendosura kutitë përkatëse”, thuhej në njoftimin e Policisë së Nishit.
Situata me kërcënimet në Serbi ka dalë jashtë kontrollit, që pas masakrës së shkaktuar nga një 14-vjeçarë në një shkollë në Beograd. Pas ngjarjeve qeveria serbe ka marrë masa të rrepta për përdorimin e armëve madje ditën e djeshme ka njoftuar dhe nisjen e një amnisti për të gjithë personat të cilët kanë armë pa leje për t’i dorëzuar pranë autoriteteve.
Lini një Përgjigje