FLASH
Shkruar nga Pamfleti
Bashkimi Evropian ka propozuar sanksione ndaj kompanive kineze, të akuzuara për shitjen e pajisjeve që mund të përdoren në armë për të mbështetur makinën e luftës ruse.
Që kur Rusia nisi pushtimin e saj në Ukrainë 14 muaj më parë, BE-ja ka miratuar 10 paketa sanksionesh kundër individëve dhe kompanive ruse, duke e bërë më të vështirë financimin e luftës, shkruan Reuters.
Në një raport thuhet se këtë javë, shtatë biznese kineze janë renditur në një paketë të re sanksionesh, që do të diskutohen nga vendet anëtare të BE, duke cituar një kopje të listës së sanksioneve të parë nga FT.
Sipas FT, lista e sanksioneve përfshin dy kompani kineze kontinentale, 3HC Semiconductors dhe King-Pai Technology, së bashku me pesë nga Hong Kongu duke përfshirë Sinno Electronics, Sigma Technology, Asia Pacific Links, Tordan Industry dhe Alpha Trading Investments. Komisioni Evropian nuk ka dhënë një koment.
Disa kompani si King-Pai Technology tashmë janë vendosur nën sanksione nga Shtetet e Bashkuara, të cilat thanë se ishte një furnizues me bazë në Kinë për shumë subjekte në kompleksin ushtarak-industrial të Rusisë.
Lini një Përgjigje