FLASH
Shkruar nga Pamfleti
Ai pothuajse vdiq, por u evakuua në Gjermani, ku shkencëtarët përcaktuan se ai ishte helmuar nga një agjent nervor “Novichok”, i përdorur nga qeveria ruse për objektivat me prioritet të lartë.
Aleksei Navalny , disidenti dhe lideri kryesor i opozitës ruse, mund të jetë diçka si një Mandela i kohës sonë. I helmuar, i burgosur, i brutalizuar, Navalny qëndron i pamposhtur në qelinë e tij: ende duke u tallur me Putinin dhe duke denoncuar ashpër pushtimin e Ukrainës.
Ai është një makth i Kremlinit. Navalny kandidoi për president, por gjithçka dështoi pas ekspozimit në publik të pallatit 1 miliard dollarësh në pronësi të Putinit. Ky veprim zemëroi liderin rus, i cili urdhëroi vrasjen e tij. Por Navalny jo vetëm që u mbijetoi tentativave për vrasje, por kur u dërgua në gulag u përpoq të bashkonte të burgosurit dhe rojet për tu ngritur në protestë brenda burgut.
Navalny, 46 vjeç, është një avokat me një numër të madh ndjekësish në Rusi për raportet e tij të zbehta për korrupsionin rus dhe për Putinin, të cilin ai e quan një "të çmendur". Por disa persona me sa duket të lidhur me qeverinë ruse, hodhën dy herë bojë kimike mbi të, duke i dëmtuar shikimin në syrin e tij të djathtë dhe në vitin 2020 avioni i tij u rrëzua. Ai pothuajse vdiq, por u evakuua në Gjermani, ku shkencëtarët përcaktuan se ai ishte helmuar nga një agjent nervor “Novichok”, i përdorur nga qeveria ruse për objektivat e vrasjeve me prioritet të lartë.
Në fillim të vitit 2021, Navalny u kthye në Moskë, por u arrestua menjëherë dhe familja e tij tashmë lejohet të komunikojë me të vetëm duke shkëmbyer letra.
Autoritetet ruse janë përpjekur ta thyejnë Navalny në burg. Pas helmimit ai ndjente dhimbje në shpinë, kështu që rojet e burgut duke e ditur këtë e ulën në një stol që i shtonte dhimbjen. Por pavarësisht së gjithash ai nuk u thye.
Disa kritikë kanë argumentuar se Navalny është një nacionalist ksenofob, i padenjë për admirim. Por Navalny sot duket aq i përkushtuar ndaj vlerave demokratike dhe evropiane sa po rrezikon jetën e tij për to.
Qeveria e zhvendosi Navalny muajin e kaluar në izolim të vazhdueshëm në një qeli izolimi dhe ai përballet me akuza shtesë që mund ta lënë atë në burg për 35 vjet. Navalny ende ka arritur t'i dërgojë materiale ekipit të tij për llogaritë e tij në mediat sociale. Për të shënuar përvjetorin e pushtimit të plotë të Ukrainës nga Rusia, Navalny botoi një kritikë të ashpër ndaj " luftës së padrejtë të agresionit kundër Ukrainës" të Putinit dhe argumentoi se " Rusia po vuan një disfatë ushtarake".
Disi përmes gjithë kësaj, ai ruan sensin e tij të humorit.
"Unë qesh të paktën tre herë në ditë, edhe kur jam krejt vetëm në qeli. Unë jam personi më i gëzuar në një funeral," shkroi ai në Twitter së fundmi për muzikën dhe ushqimin e tmerrshëm në burg./ Përshtati “Pamfleti” nga “The New York Times”
Lini një Përgjigje