FLASH
Shkruar nga Pamfleti
Kryeministri i Izraelit, Benjamin Netanyahu, deklaroi se vendi i tij do të vazhdojë të godasë objektivat iraniane “me forcë të plotë”, duke rritur tonet në përballjen mes dy vendeve.
Deklarata e tij vjen pas raportimeve nga zyrtarë izraelitë se Alireza Tangsiri, komandanti i forcave detare të Korpusit të Gardës Revolucionare Islamike (IRGC), është vrarë në një sulm ajror në territorin iranian.
“Ne vazhdojmë të godasim me forcë objektivat e regjimit terrorist iranian”, u shpreh Netanyahu.
Ai shtoi se operacioni i fundit kishte në shënjestër një figurë kyçe të strukturave ushtarake iraniane.
“Mbrëmë, ne eliminuam komandantin e marinës së Gardës Revolucionare. Ky njeri kishte shumë gjak në duar dhe ishte personi që udhëhoqi mbylljen e ngushticës së Hormuzit”, deklaroi kryeministri izraelit.
Netanyahu theksoi gjithashtu bashkëpunimin me Shtetet e Bashkuara në këtë kontekst.
“Ky është një tjetër shembull i bashkëpunimit midis nesh dhe mikut tonë, Shteteve të Bashkuara, drejt arritjes së objektivave të luftës”, tha ai.
Deri tani, as Shtetet e Bashkuara dhe as Irani nuk kanë reaguar zyrtarisht mbi pretendimin për vrasjen e komandantit iranian.
Lini një Përgjigje