FLASH
Shkruar nga Pamfleti
Alexei Navalny, lideri i opozitës ruse dhe kundërshatari më i madh i presidentit Vladimir Putin ka ndërruar jetë në burg...
Politikani rus i opozitës Alexei Navalny, një kritik i zëshëm i presidentit Vladimir Putin, ka ndërruar jetë në burg.
Lajmi është bërë i ditur nga shërbimet e burgut, të cilët kanë deklaruar se Navalny është ndjerë keq pas një shëtitje, duke humbur vetëdijen.
“Më 16 shkurt 2024, në koloninë nr 3, i dënuari AA Navalny nuk u ndje mirë pas një shëtitjeje, duke humbur vetëdijen.
Menjëherë kanë mbërritur punonjësit mjekësorë të institucionit dhe është thirrur ekipi mjekësor i urgjencës. Mjekët e urgjencës kanë konfirmuar vdekjen e të dënuarit”, thuhet në njoftim.
Mediat e kontrolluara nga rusia po ashtu kanë cituar këtë deklaratë, duke raportuar se Navalny, 47 vjeç, ka vdekur.
Navalny u arrestua në vitin 2021, pasi u shërua nga një tentativë vrasjeje me helm novichock që ka qenë e lidhur me shërbimin e sigurisë FSB të Moskës.
Por kush është Alexei Navalny?
Navalny fitoi vëmendje ndërkombëtare në gusht 2020 kur u sëmur gjatë një fluturimi nga Siberia në Moskë dhe ra në koma nga helmimi.
Navalny u trajtua në Gjermani ku qeveria tha se ai ishte helmuar me një agjent nervor kimik nga grupi Novichok. Novichok u përdor në një sulm në mars 2018 ndaj ish-spiunit rus Sergei Skripal dhe vajzës së tij, Yulia Skripal, në qytetin Salisbury.
Navalny u kthye në Rusi në janar 2021 dhe u arrestua menjëherë nga autoritetet.
Një muaj më vonë, një gjykatë në Moskë e dënoi Navalny me më shumë se dy vjet e gjysmë burg për shkelje të kushteve të provës nga një çështje e vitit 2014, ndërsa ai ishte në Gjermani.
Në dhjetorin e kaluar, Navalny u transferua në burgun famëkeq që gjendet në një zonë të largët. Emri zyrtar i burgut është IK-3, por njihet më shumë si “Ujku polak”. Burgu gjendet afër 2.000 kilometra në verilindje të Moskës dhe ka rreth 1.050 të burgosur.
Navalny u dënua me 19 vjet burgim në gusht të vitit 2023 nën akuza për ekstremizëm. Ai kishte deklaruar se akuzat ndaj tij ishin të motivuara politikisht.
47-vjeçari u transferua në një burg të Arktikut, i konsideruar si një nga burgjet më të vështira, në fund të vitit të kaluar.
Lini një Përgjigje