FLASH
Shkruar nga Pamfleti
Kremlini ka hedhur poshtë raportet e mediave turke që tregojnë se gruaja e Bashar al Assad donte të divorcohej dhe të largohej nga Rusia.
Në fillim të këtij muaji, Bashar al-Assad, gruaja e tij Asma dhe anëtarët e familjes u arratisën nga Siria dhe u vendosën në kryeqytetin rus.
Vendndodhja e Assadit u konfirmua pasi agjencitë ruse të lajmeve thanë se Moska kishte arritur një marrëveshje me udhëheqësit e opozitës siriane.
Një burim tha se rebelët kishin garantuar sigurinë e bazave ushtarake ruse dhe institucioneve diplomatike në Siri.
Por dje, mediat turke dhe arabe raportuan se Asma al Assad kishte bërë kërkesë për divorc nga bashkëshorti i saj në Rusi.
I pyetur në një telefonatë nëse raportet për Asma al Assad korrespondojnë me realitetin, zëdhënësi i Kremlinit Dmitry Peskov tha: "Jo, ato nuk korrespondojnë me realitetin".
Ai hodhi poshtë gjithashtu raportet e mediave turke që sugjeronin se Assad ishte mbyllur në Moskë dhe Rusia kishte ngrirë pasuritë e tij pronësore.
Kujtojmë se Assad u arratis nga Siria, pas një ofensive të rebelëve të opozitës, të cilët brenda një jave morën pushtetin në vendin e Lindjes së Mesme.
Lini një Përgjigje