FLASH
Shkruar nga Pamfleti
Familjet e të afërmve të mbajtur ende peng nga militantët e Hamasit në Gaza mbajtën një protestë jashtë zyrave qeveritare në Tel Aviv për të kërkuar nga autoritetet të ripërtërijnë përpjekjet për t'i liruar ata.
Ndërsa Izraeli rifillon bombardimet në Gaza, janë rritur edhe shqetësimet për sigurinë e pengjeve.
Protestuesit marshuan nëpër rrugë duke mbajtur pankarta me fotot e pengjeve duke brohoritur, "lirojini të gjithë ata. Tani!".
Izraeli, ka deklaruar disa nga qytetarët e zhdukur si të vdekur në robëri.
Një komitet mjekësor prej tre personash ka shqyrtuar video nga sulmi i Hamasit të 7 tetorit për shenja të lëndimeve vdekjeprurëse në mesin e të rrëmbyerve dhe ka ndërthurur me dëshmitë e pengjeve të liruar gjatë një armëpushimi njëjavor të Gazës që përfundoi të premten.
Hagar Mizrahi, një zyrtar i ministrisë së shëndetësisë, tha se kjo mund të mjaftojë për të përcaktuar se një peng ka vdekur, edhe nëse asnjë mjek nuk ka një ekspertizë zyrtare dhe nuk e ka parë trupin e tij ose të saj.
Nga rreth 240 persona të rrëmbyer, 108 u liruan nga Hamasi në këmbim të lirimit të shumë palestinezëve.
Që nga përfundimi i armëpushimit, autoritetet izraelite kanë deklaruar gjashtë civilë dhe një kolonel të ushtrisë të vdekur në robëri. Kjo nuk është konfirmuar nga Hamasi.
Lini një Përgjigje