FLASH
Shkruar nga Pamfleti
Shefi i spitalit më të madh të Gazës ka deklaruar se mbi 35,000 njerëz janë strehuar në kompleksin spitalor të qytetit, ndërkohë që ka mbaruar ultimatumi i Izraelit për evakuim.
Mohammad Abu Selim, drejtor i përgjithshëm i spitalit Shifa, konfirmoi se turma masive kishin grumbulluar ndërtesën dhe oborrin jashtë. Shifa është spitali më i madh në të gjithë Rripin e Gazës.
"Njerëzit mendojnë se kjo është e vetmja hapësirë e sigurt pasi shtëpitë e tyre u shkatërruan dhe ata u detyruan të ikin. Qyteti i Gazës është një skenë e frikshme shkatërrimi", tha Dr. Medhat Abbas, një zyrtar i Ministrisë së Shëndetësisë.
Ushtria izraelite ka urdhëruar afërsisht gjysmën e popullsisë së Gazës, duke përfshirë të gjithë qytetin e Gazës, të evakuohen ndërsa përgatitet të dërgojë forcat tokësore. Por evakuimi për mbi 1.5 milion banorë është tepër i vështirë në kushtet në të cilat ata ndodhen.
Ndërkohë Izraeli ka bombarduar Gazën gjatë javës së kaluar, duke vrarë më shumë se 2,200 deri më tani në përgjigje të një sulmi ndërkufitar të Hamasit që vrau mbi 1,300 izraelitë.
Lini një Përgjigje