FLASH
Shkruar nga Pamfleti
Kryeministri izraelit Benjamin Netanyahu, tha se Izraeli ka vrarë pasardhësit e mundshëm të Hassan Nasrallah.
Izraeli duket se ka eliminuar të gjithë kupolën drejtuese të Hezbollahut. Duke ditur se lideri Hassan Nasrallah do të zëvendësohej shumë shpejt nga dikush tjetwr, ndoshta dhe më i egër, inteligjenca izraelite ka eliminuar edhe pasuesit e mundshëm.
Që të premten ishin humbur kontaktet me atë që cilwsohej si pasuesi i Nasrallah, Hashem Safieddine. Kryeministri izraelit Benjamin Netanyahu, tha se Izraeli ka vrarë pasardhësit e mundshëm të Hassan Nasrallah. Madje është eliminuar dhe ai që do të zëvendësonte Safieddine.
Në një video-mesazh të regjistruar paraprakisht, kryeministri izraelit tha se “ne kemi shkatërruar aftësitë e Hezbollahut. Ne dëbuam mijëra terroristë, duke përfshirë vetë Nasrallah dhe zëvendësuesin e Nasrallah, dhe zëvendësin e zëvendësuesit”.
Safieddine, një zyrtar i lartë i Hezbollahut, nuk është dëgjuar publikisht që nga sulmi ajror izraelit në fund të javës së kaluar. Ai ka qenë një objektiv kryesor për Izraelin.
Ushtria izraelite tha gjithashtu të martën se kishte vrarë Suhail Husseini – i cili ishte përgjegjës për mbikëqyrjen e logjistikës, buxhetit dhe menaxhimit të Hezbollahut – një natë më parë.
Kush është Hashem Safieddine?
Kushëriri më i vogël i Nasrallahut lindi në fshatin jugor të Libanit, Deir Qanoun En Nahr pranë Tirit në vitin 1960.
Të rinjtë studionin teologji së bashku në dy institucione shiite - një në Najaf, Irak dhe tjetri në Qom, Iran.
Ata shihen nga mbështetësit e tyre se janë nga një familje e respektuar shiite që ka nxjerrë si studiues fetarë ashtu edhe politikanë libanezë.
Vëllai i Safieddine është përfaqësuesi i Hezbollahut në Iran, ndërsa djali i tij është i martuar me vajzën e Qassem Soleimani - gjenerali iranian i vrarë në një sulm me dron amerikan gjatë presidencës së Donald Trump në 2020.
Safieddine iu bashkua Hezbollahut menjëherë pasi u krijua në fillim të viteve 1980.
Ai gjithashtu mban një çallmë të zezë, siç bëri Nasrallah, që tregon se është pasardhës i drejtpërdrejtë i Profetit Muhamed.
Lidhjet familjare të Safieddine dhe ngjashmëria e tij e ngushtë me kushëririn e tij të ndjerë do ta kishin ndihmuar ofertën e tij për udhëheqje, thanë ekspertët.
Ai tashmë është kreu i këshillit të Xhihadit të Hezbollahut dhe ndër anëtarët kryesorë të këshillit të tij Shura.
I njohur për pikëpamjet e tij militante, ai është në krye të çështjeve politike të grupit.
Në një ngjarje të fundit në Dahieh, ku u zhvilluan sulmet ajrore të kësaj jave, ai tha në mbështetje të Hamasit në Gaza: "Historia jonë, armët dhe raketat tona janë me ju".
Dhe në një funeral të një prej kolegëve të tij komandant në qershor, ai u duk se kërcënoi përshkallëzimin e mëtejshëm të konfliktit me Izraelin, duke deklaruar: "Lëre [armikun] të përgatitet për të qarë dhe vajtuar".
SHBA e cilësoi Safieddinin terrorist në vitin 2017. Edhe Arabia Saudite e klasifikon atë si terrorist.
Ai ka qenë gjithmonë një kritik i zëshëm i politikës amerikane, duke deklaruar atë vit: "Kjo administratë e çmendur e SHBA-së e penguar mendërisht, e kryesuar nga Trump nuk do të jetë në gjendje të dëmtojë rezistencën". /Pamfleti
Lini një Përgjigje