FLASH
Shkruar nga Pamfleti
"Ukraina nuk do të lejojë që sulmet që u kushtojnë jetën qytetarëve tanë të mbeten të pandëshkuara. Ne po përgjigjemi me të drejtë duke synuar industrinë ruse të naftës, prodhimin ushtarak dhe ata që kryejnë drejtpërdrejt krime lufte kundër Ukrainës dhe ukrainasve", paralajmëroi presidenti ukrainas në Telegram. Reagimi I tij erdhi pas sulmit vdekjeprurës rus në Kiev që la të paktën 24 viktima.
Për më tepër, autoritetet ukrainase “vazhdojnë të vëzhgojnë përpjekjet ruse për të përfshirë më tej Bjellorusinë në luftën kundër Ukrainës ”, tha Volodymyr Zelensky në të njëjtin mesazh të publikuar pas një takimi me zyrtarë ushtarakë dhe të inteligjencës ukrainase.
“Rusia po shqyrton plane për operacione në jug dhe në veri nga territori bjellorus - qoftë kundër boshtit Çernigov-Kiev në Ukrainë, ose kundër njërit prej vendeve të NATO-s, direkt nga Bjellorusia ”, deklaroi ai.
Në vijim Zelensky shtoi se “Ukraina padyshim do të mbrojë popullin e saj dhe veten nëse Aleksandër Lukashenko bën gabimin të mbështesë edhe këtë qëllim rus”.
Lini një Përgjigje