FLASH
Shkruar nga Pamfleti
Djali i madh i Donald Trump, Donald Trump Jr., ka reaguar pas të shtënave ndaj ish-presidentit. Ai shkruan se "Trump nuk do të ndalojë kurrë së luftuari për të shpëtuar Amerikën”.
Guvernatori i Dakotës së Veriut Doug Burgum, senatori i Floridës, Marco Rubio dhe senatori i Ohajos JD Vance, tre emrat në listën e ngushtë të Trump për nënpresident, u shprehën të shqetësuar për ish-presidentin.
Guvernatori demokrat i Pensilvanisë Josh Shapiro, në një deklaratë për rrjetin social "X" shkruante se ishte informuar mbi situatën dhe se policia ishte në gatishmëri në vendin e tubimit në Pensilvani.
“Dhuna e drejtuar ndaj çdo partie politike apo udhëheqësi politik është absolutisht e papranueshme. Nuk ka vend në Pensilvani apo në Shtetet e Bashkuara”, shprehej ai.
Shërbimi Sekret tha në një deklaratë se “ish-presidenti ndodhet jashtë rrezikut për jetën” dhe se çështja tashmë është nën hetim.
Lini një Përgjigje