FLASH
Shkruar nga Pamfleti
Presidenti Donald Trump dhe kryeministrja daneze Mette Frederiksen thuhet se kanë pasur një shkëmbim të nxehtë në një bisedë telefonike prej rreth një ore, në lidhje me interesin e presidentit amerikan për përfshirjen e Grenlandës në Shtetet e Bashkuara.
Sipas 5 zyrtarëve të lartë evropianë që folën për Financial Times, biseda 45-minutëshe u zhvillua javën e kaluar, me kryeministren daneze e bëri të qartë se ishulli "nuk ishte në shitje". Shtëpia e Bardhë nuk e komentoi komunikimin.
Mirëpo, siç raportojnë mediat amerikane, gjatë bisedës klima mes dy liderëve ka qenë shumë e keqe.
Frederiksen thuhet se e ka bërë të qartë se ishulli i Grenlandës, i cili është pjesë autonome e mbretërisë daneze, nuk është në shitje.
Trump, megjithatë, thuhet se ka përsëritur qëllimin e tij për të sjellë Grenlandën nën kontrollin e SHBA-së, një qëllim për të cilin thuhet se insistoi.
"Ishte e tmerrshme," tha një burim evropian duke iu referuar telefonatës, detajet e së cilës "ka të ngjarë të thellojnë shqetësimet evropiane se kthimi i Trump në pushtet do të testojë lidhjet transatlantike më shumë se kurrë", siç raporton FT.
Për çfarë ranë dakord dy ministrat e Jashtëm?
Vlen të theksohet se sot kreu i diplomacisë daneze, Lars Loke Rasmussen, ka biseduar me homologun e tij amerikan Marco Rubio.
Dy ministrat, me sa duket, pasi u njohën me tensionin që mbizotëronte në bisedën telefonike mes liderëve të dy vendeve, ranë dakord që çështja e Grenlandës të diskutohej më vonë.
Këtë e ka bërë të ditur Ministria e Punëve të Jashtme në Kopenhagë, ndërsa gjatë bisedës së tyre Rasmussen dhe Rubio kanë diskutuar për Ukrainën, sigurinë evropiane dhe situatën në Lindjen e Mesme, theksohet në njoftim.
Lini një Përgjigje